[ad_1]
દેશના પ્રખ્યાત ઉદ્યોગપતિ રતન ટાટા, સુપ્રીમ કોર્ટના પૂર્વ જજ કેટી થોમસ અને પૂર્વ ડેપ્યુટી લોકસભા સ્પીકર કરીયા મુંડાને પીએમ કેયર્સ ફંડ (pm cares fund)ના ટ્રસ્ટી બનાવવામાં આવ્યા હોવાની સત્તાવાર માહિતી પીએમઓ તરફથી આપવામાં આવી હતી. મળતી માહિતી મુજબ પીએમ મોદીએ મંગળવારે pm cares fundના ટ્રસ્ટીમંડળ સાથે બેઠકનું આયોજન કર્યું હતું, જેમાં ગૃહ પ્રધાન અમિત શાહ અને નાણા પ્રધાન નિર્મલા સીતારમણ પણ સામેલ હતાં. આ બંને પીએમ કેયર્સ ફંડના ટ્રસ્ટી છે. આ જ બેઠકમાં રતન ટાટા, કેટી થોમસ અને કારિયા મુંડાને ફંડના નવા ટ્રસ્ટી તરીકે સામેલ કરવામાં આવ્યા હતા. બેઠકમાં પીએમ મોદીએ કહ્યું હતું કે નવા ટ્રસ્ટી અને સલાહકારોની મદદથી પીએમ કેયર્સ ફંડની કામગીરી અંગે વ્યાપક દૃષ્ટિકોણ મળશે.
કોવિડ -19 રોગચાળાની શરૂઆતના દિવસો પછી પીએમ કેર્સ ફંડની સ્થાપના કરવામાં આવી હતી. રોગચાળાને કારણે ઊભી થતી કોઈપણ કટોકટીની પરિસ્થિતિમાં સહાય પૂરી પાડવા અને અસરગ્રસ્ત લોકોને સહાય પૂરી પાડવા માટે આ ભંડોળ શરૂ કરવામાં આવ્યું હતું. આ ભંડોળ કોઈ પણ વ્યક્તિ અથવા સંસ્થા દ્વારા સ્વેચ્છાએ દાનમાં આપી શકાય છે. તેમાં કરવામાં આવેલા દાન પર ટેક્સ છૂટનો દાવો પણ કરી શકાય છે. નાણાકીય વર્ષ 2020-21માં પીએમ કેયર્સ ફંડમાં લગભગ 7,032 કરોડ રૂપિયા એકઠા કરવામાં આવ્યા હતા.
Post Views:
110
[ad_2]
