ધનતેરસના દિવસે આ વસ્તુઓની ખરીદી ધરમાં લાવશે સુખ-સમૃદ્ધિ

આ તહેવાર દરમિયાન કેટલીક વસ્તુઓ એવી હોય છે જેની ખરીદી તમારા માટે વધુ શુભ માનવામાં આવે છે. જેના કારણે માતા લક્ષ્મી પ્રસન્ન રહે છે અને તમારા ઘરમાં સુખ-સમૃદ્ધિની સાથે ધનમાં પણ વધારો થાય છે.

સોના-ચાંદી

એવું માનવામાં આવે છે કે ધનતેરસના દિવસે માતા લક્ષ્મી અને ભગવાન ગણેશની આકૃતિવાળા સિક્કા ખરીદવાથી ખૂબ જ લાભ થાય છે. પૂજા દરમિયાન સિક્કાની પૂજા કરીને તમારા ઘરની તિજોરીમાં રાખવાથી આર્થિક સ્થિતિ સારી રહે છે.

પિત્તળના વાસણ

ધનતેરસના દિવસે પિત્તળ કે ચાંદી ખરીદવી ખૂબ જ શુભ માનવામાં આવે છે. પિત્તળ એ ભગવાન ધન્વંતરિની ધાતુ છે, જેને ખરીદવા પર તેમની વિશેષ કૃપા તમારા પર રહે છે. હિંદુ શાસ્ત્રો અનુસાર, જ્યારે ભગવાન ધનવંતરી સમુદ્ર મંથન દરમિયાન પ્રગટ થયા ત્યારે તેમના હાથમાં અમૃતનો એક કલશ હતો જે પિત્તળનો હતો.

માટીના વાસણો

હિંદુ માન્યતાઓ અનુસાર ધનતેરસના દિવસે માટીના વાસણ ખરીદવું શુભ હોય છે. એવું માનવામાં આવે છે કે તેનાથી ઘરમાં સકારાત્મક ઉર્જા આવે છે અને સુખ-શાંતિ પણ બની રહે છે. આ દિવસે માટીના દીવા લેવા પણ ખૂબ જ શુભ છે.

ધાણા

ધનતેરસના દિવસે સૂકા ધાણાનું વિશેષ મહત્વ જણાવવામાં આવ્યું છે. એવું માનવામાં આવે છે કે દેવી લક્ષ્મીને પ્રસન્ન કરવા માટે ધાણા ખૂબ જ સારું છે. માત્ર ધનતેરસ પર જ નહીં પરંતુ દેવી લક્ષ્મીની પૂજા કરતી વખતે હંમેશા ધાણાનો ઉપયોગ કરવો જોઈએ.

સાવરણી

ધનતેરસના દિવસે લોકો મોટાભાગે સોના-ચાંદી અથવા વાસણો ખરીદે છે, પરંતુ એવું માનવામાં આવે છે કે આ દિવસે સાવરણી ખરીદવાથી ઘરની નકારાત્મકતા અને દોષ બંને દૂર થાય છે.